Samsunspor rəhbərinin adından dələduzluq etmək istədilər, prokurorluq işə qarışdı

Süper Liqada Avropanı təmsil edən komandalardan olan Samsunsporda dələduzluq hadisəsi yaşanır. Samsunsporun vitse-prezidenti Serkan Kayanın adından istifadə edərək dələduzluq etməyə cəhd göstərilib.

Samsunsporda dələduzluq cəhdi

Samsunspor Klubunun vitse-prezidenti və İcraiyyə Komitəsinin üzvü Serkan Kayanın adı istifadə edilərək bəzi şirkətlər və iş adamları ilə "loja satışı" və ya "sponsorluq vədi" adı altında dələduzluq etməyə cəhd göstərildiyi aşkar edilib. Saxta hesablar vasitəsilə həyata keçirilən bu cəhdlərdə dələduzlar Serkan Kayaın fotoşəklini və adını istifadə edərək şəxslərlə "WhatsApp" vasitəsilə əlaqə qurub və minlərlə dollar məbləğində saxta ödəniş tələb ediblər.

Hüquqi proses başladı

Yaşananların ardından Qara dəniz təmsilçisi vəziyyətə müdaxilə edib. Samsunspor rəsmi sosial media hesablarında açıqlama verərək ictimaiyyəti xəbərdar edib. Açıqlamada klub rəhbərlərinin və ya işçilərinin heç bir şəkildə şəxslər vasitəsilə pul tələb etmədiyi vurğulanıb və bu cür cəhdlərlə qarşılaşdıqda polis bölmələrinə məlumat verilməsi istənilib. Dələduzların yalnız Samsunspor deyil, Trabzonspora qarşı da oxşar bir cəhd etdiyi ortaya çıxıb.

Məsələyə dair açıqlama verən Serkan Kaya bunları deyib: “Adımı və vəzifəmi istifadə edərək edilən bu cür dələduzluq cəhdləri yalnız məni deyil, klubumuzun və cəmiyyətimizin nüfuzunu hədəf alır. Lazımi hüquqi prosesi başlatdıq. İctimaiyyətin və şirkətlərin bu cür mesajlara qətiyyən inanmamasını xahiş edirəm.”

Samsunspor Klubunun Hüquq Departamenti bu cür qanunsuz cəhdlərə qarşı rəsmi şikayət edildiyini və prosesin Kiber Cinayətlər Şöbə Müdirliyi ilə koordinasiyalı şəkildə aparıldığını açıqlayıb.

24 saat