Qalatasaraydan iddia böhranına təklif gəldi

Hakimlər arasında bahis qalmaqalı: Klublardan ard-arda açıqlamalar

Türkiyə futbolunda hakimlər arasında yayılan bahis qalmaqalı futbol ictimaiyyətində şok effekti yaradıb. Qalmaqalda adı hallanan hakimlərin adlarının açıqlanmasından sonra klublar tərəfindən ard-arda açıqlamalar verilməyə başlanıb.

"Qalatasaray"dan bahis qalmaqalı ilə bağlı yeni bəyanat

"Qalatasaray" futbol klubu da hakimlər arasında bahis qalmaqalı ilə bağlı rəsmi internet səhifəsində bəyanat yayımlayıb. Klub, bahisdə adı keçən hakimlərlə bağlı müstəqil araşdırma komissiyasının yaradılmasının vacibliyini vurğulayıb.

Klubun bəyanatında yer alan əsas məqamlar

"Qalatasaray"ın rəsmi saytında yayımlanan bəyanatda aşağıdakı məqamlar qeyd olunub:

Klub uzun müddətdir ki, Türkiyə futbolunda ədalət, şəffaflıq və etik dəyərlərin tam təmin edilməsinin tərəfdarıdır. Bu istiqamətdə, 26 oktyabr 2023-cü il tarixində Türkiyə Futbol Federasiyasına (TFF) təqdim edilən rəsmi məktubda Türkiyə futbolunun struktur problemlərinə dair təkliflər ətraflı şəkildə paylaşılıb.

Bundan əlavə, 9 fevral 2025-ci il tarixində oynanılan "Adana Demirspor" matçından sonra ortaya çıxan şübhəli vəziyyətlərlə bağlı zəruri araşdırmaların aparılması üçün hüquqi addımlar atılıb.

Klubun bəyanatında "Qalatasaray"a qarşı düşmən mövqe tutduğu, səsləndirdiyi fikirlər və qərəzli qərarları ilə tanınan hakim haqqında da fikirlər yer alıb.

Həmin hakimin bahis oynadığı iddiası ilə intizam komitəsinə göndərilməsi, o dövrdəki narahatlıqların əsassız olmadığını göstərir.

Müraciətlərdə vurğulandığı kimi, Türkiyə futbolunun Avropanın aparıcı liqaları sırasına daxil ola bilməsi üçün köklü islahatlara ehtiyac var. Ədalətin tam təmin edilməsi üçün bütün tərəflər arasında şəffaflığın və hesabatlılığın gücləndirilməsi artıq labüddür.

Klub futbolun hər sahəsində ədalətin təmin edilməsi və etimadın bərpası üçün prosesi yaxından izləməyə davam edəcək.

"Qalatasaray"dan TFF-yə çağırış: Müstəqil təhqiqat komissiyası yaradılsın

Bəyanatın sonunda Türkiyə futbolunun inkişafı üçün TFF, klublar və bütün maraqlı tərəflərin iştirakı ilə müstəqil təhqiqat komissiyasının yaradılması, hakim təyinatı sisteminin obyektiv və şəffaf bir quruluşa çevrilməsi, media və ictimaiyyətlə əlaqələrdə etik prinsiplərin gücləndirilməsi kimi önəmli addımların atılmasının vacibliyi vurğulanıb.

24 saat