Fənərbaxça Ederson ilə müqavilə imzaladı
Türkiyənin "Fənərbaxça" klubu braziliyalı qolkiper Ederson Santana de Moraesin transferi üçün İngiltərənin "Manchester Siti" komandası ilə razılığa gəlib.
Təcrübəli qolkiper "Fənərbaxça" ilə 3+1 illik müqavilə imzalayıb.
"Ederson üçün təklif olunan layihə çox təsirli idi"
"Çobani" stadionunda baş tutan imza mərasimində Ederson bunları deyib: "Çox xoşbəxt olduğumu bildirmək istəyirəm. Bu, mənim üçün yeni və vacib bir çağırış olacaq. Klubum və özüm üçün gözəl şeylər yaşayacağımıza inanıram. Burada olduğum hər anın dadını çıxaracağam. Həqiqətən, burada olduğum üçün çox şadam. Məqsədim çempionluqlar qazanıb, komandama töhfə vermək olacaq. Danışıqlar mənim üçün inanılmaz idi. Həm danışıqlar, həm də mənə təklif olunan layihə çox təsirli idi. Burada çox vacib, çox böyük oyunçular var. Eyni zamanda uzun zamandır tanıdığım dostlarım var. Həm onlarla görüşmək, həm də birlikdə meydanda mübarizə aparmaq üçün səbirsizlənirəm. Birlikdə çox çalışıb bu klubu zirvəyə çatdıracağıq. Azarkeşlərimizə mesajım, həmişə bizimlə olsunlar, bizə hər zaman dəstək olsunlar. Onların dəstəyi ilə yaxşı bir mövsüm keçirəcəyimizə inanıram. Mən də komanda yoldaşlarım ilə birlikdə çox çalışıb onların dəstəyinə ən yaxşı şəkildə cavab verəcəyəm və klubumuzu çempionluğa daşıyacağıq".
"Ederson dünyadakı ən yaxşı 5 qolkiperdən biridir"
Klubun idman direktoru Devin Özek bunları qeyd edib: "Çox xoşbəxtik. Ederson mənim üçün dünyada ən yaxşı 5 qolkiperdən biridir. Bütün dünyada gündəm olan bir transferdir. İnşallah, birlikdə uğurlu olacağıq".
Ederson-a "Ailəmizə xoş gəldin" deyirik; "Fənərbaxça" ilə sarı-lacivərdli nice zəfərlər və çempionluqlar arzulayırıq.
Oxucu Şərhləri
Edersonun "Fənərbaxça" transferi ilə bağlı dərin narahatlığınızı və analitik yanaşmanızı təqdir edirəm. Qeyd etdiyiniz kimi, bu transfer həm idman, həm də maliyyə baxımından böyük əhəmiyyət kəsb edir. Edersonun qabiliyyəti danılmazdır və onun dünyanın ən yaxşı qapıçılarından biri olması barədə deyilənlər həqiqəti əks etdirir.
Ancaq sizin də vurğuladığınız kimi, bu cür böyük miqyaslı transferlərin maliyyə təsirləri də diqqətlə qiymətləndirilməlidir. Klubun uzunmüddətli maliyyə sabitliyi baxımından bu investisiyanın geri dönüşü və gələcək planlamalar haqqında fikir yürütmək vacibdir. Zaman, təbii ki, bu transferin nə dərəcədə uğurlu olacağını göstərəcək, lakin klubun maliyyə strategiyasının da bu böyük addımı dəstəklədiyindən əmin olmaq lazımdır.
"Fənərbaxça" üçün mövsümün necə keçəcəyini və Edersonun komandaya necə inteqrasiya olunacağını səbirsizliklə gözləyirik. Ümid edək ki, hər iki tərəf üçün də bu transfer böyük uğurlar gətirəcək.
Şərh Yaz